Рекламный баннер 990x90px header-top
82.45
90.81
Рекламный баннер 728x90px center-top

Эхэ гээшэ наран мэтэ,

Эхэ гээшэ наран мэтэ,
Багша гээшэ бурхан мэтэ.
Эхын энхэрэл дундаршагүй,
Багшын һургаал дууһашагүй.

Багша… Энэ үгэ хадаа хүн бүхэнэй хуби заяанда тон дүтэ үгэ. Багшын лэ ашаар эрдэмтэй, hургаалтай болонобди, хүмүүжэнэбди. Багша хүн номгон тайбан, зөөлэн, эрдэмтэй, тэсэбэритэй, баян хэлэтэй, хэлэхэ, ярихадаа бэрхэ, олон абьяастай, энэрхы сэдьхэлтэй, хүлисэхэ, тэбшэхэ сэдьхэлтэй, уйдхаргүй байха ёhотой.
Эдэ бүхы заршам Лубсанова Марина Дымбрыловна  хүсэд дүүрэнээр дүүргэhэн гэжэ мэдэнэбди. Багшын ажал буянтай, хүндэтэй, харюусалгатай, илангаяа эхин ангиин багшанарай үүргэ тон ехэ.

Намарай һайхан үдэрнүүдтэ 80 наhанайнгаа ойн баярые заха холын Захааминай Шара-Азарга нютагай Лубсанова Марина Дымбрыловна угтажа байна.
Ёнгорбой нютагта хүлөө дүрөөдэ, гараа ганзагада хүргэжэ, мэргэжэл шэлэһэнэй удаа багшынгаа ажалай намтар түрэл һургуулидаал эхилһэн намтартай. 33 жэлэй хугасаа соо эхин ангиин багшаар ажаллаа.
Олон һурагшадынь мүн лэ багшын мэргэжэл шэлэнхэй, багшаяа һайханаар дурсан ябадаг.

Дүй дүршэл ехэтэй багша хадаа олон шагналнуудта хүртэнхэй: “Жэлэй эрхим багша”-1995 ондо,  “Жэлэй гэр бүлэ”-1994 ондо болоһон. 1988 ондо “РСФСР”-эй арадай гэгээрэлэй отличник гэһэн нэрэ зэргэдэ хүртөө.
Сэсэн ухаатай, сэбэр шарайтай, наһанайнгаа амаралтада гарабашье, эдэбхи эрмэлзэл ехэтэй зандаа.

Хани нүхэр Владимир Лубсановичтаяа 8 үхибүүдээ багаһаань ажал хэжэ һурган үргэжэ, олон аша зээнэрэй, гушанарай төөбии, таабай болонхой.

Наһанайнгаа амаралтада гарабашье, нүхэртэеэ хамсыгаа шуун, бүхы боложо байһан хэмжээ ябуулгануудта хабаададаг зандаа.
Олон жэл соо нютагайнгаа наһажаал зоноо ударидажа ябаа.

Хундэтэ Марина Дымбрыловна!
Yлзы һайхан нютагтаа
Аша зээнэрэйнгээ дунда
Сээжэ дүүрэн, сэнгүү
Сэдьхэл дүүрэн, золтой
Дуу домогтой,
Зугаа найртай,
Гасалан гашуудал үзэнгүй,
Хүл хүнгэн, амгалан тэнюун
Ажаһуухатнай болтогой!

Шара-Азаргын дунда hургуули
13
Рекламный баннер 728x90px center-bottom
Поделитесь новостями с жителями города
Если Вы стали свидетелем аварии, пожара, необычного погодного явления, провала дороги или прорыва теплотрассы, сообщите об этом в ленте народных новостей. Загружайте фотографии через специальную форму.
Рекламный баннер 200x200px sidebar-right
Рекламный баннер 200x200px sidebar-right
Полезные ресурсы